კანალიზაციის გაწმენდა თბილისში
თუ აბაზანაში წყალი ნელა ჩადის, უნიტაზი ავსებს ან სარდაფში კანალიზაცია ამოვიდა, გაჭედვა თითქმის ყოველთვის მილის კედელზე დაგროვილ ნადებშია და არა ერთ კონკრეტულ საგანში. მაღალი წნევის ჭავლი ამ ნადებს კედლიდან ჩამორეცხავს და მილს თავდაპირველ დიამეტრს უბრუნებს.
ვისთვის
- ბინა — აბაზანა, ტუალეტი, საერთო სტოიაკი
- კერძო სახლი — შიდა ქსელი და ეზოს ჭა
- სადარბაზო — საერთო ჰორიზონტალური მილი და სარდაფი
- ოფისი და მაღაზია
რატომ იჭედება
- სველი ხელსახოცი და ჰიგიენური საშუალებები — ისინი წყალში არ იშლება
- ცხიმის ნადები, რომელიც წლების განმავლობაში კედელზე გროვდება
- თმა და საპნის ნარჩენი აბაზანის ტრაპში
- სამშენებლო ნარჩენი და ქვიშა რემონტის შემდეგ
- ძველი ჩუგუნის მილის კოროზია, რომელიც შიგნიდან ავიწროებს გასასვლელს
- ხის ფესვები ეზოს მილში და ჭაში
როგორ ვწმენდთ
ვხსნით რევიზიას, ტრაპს ან ჭას და შლანგს მილში ვუშვებთ. საქშენი ჭავლს უკან, კედლის მიმართულებით ისვრის — ამიტომ შლანგი თავისით მიიწევს წინ და გავლილ მონაკვეთს ერთდროულად რეცხავს.
გაჭედვის ადგილის გავლის შემდეგ იმავე მონაკვეთს კიდევ რამდენჯერმე გავდივართ, რომ კედელზე ნადები არ დარჩეს — სწორედ ეს განასხვავებს გაწმენდას ტროსით გახვრეტისგან.
ბოლოს წყალს ვუშვებთ და თქვენ თანდასწრებით ვამოწმებთ, რამდენად თავისუფლად ჩადის.
რა ღირს
ფასი დამოკიდებულია იმაზე, სად არის გაჭედვა და როგორია მილთან წვდომა: ბინის შიდა მილი და სადარბაზოს საერთო სტოიაკი სხვადასხვა სამუშაოა. ტელეფონში უფასოდ გეტყვით, დაახლოებით რა ვარიანტებია, საბოლოო ფასს კი ადგილზე ნახვის შემდეგ, დაწყებამდე დაასახელებთ.
სხვა სერვისები
ხშირი კითხვები
ბინაში ჭუჭყი ხომ არ დარჩება?
ვმუშაობთ რევიზიიდან ან ტრაპიდან, შლანგის ქვეშ საფარით. სამუშაოს ბოლოს ადგილს ვწმენდთ.
თუ გაჭედვა საერთო სტოიაკშია, მეზობლებთან შესვლა დამჭირდება?
ხშირად არა — საერთო მილთან წვდომა სარდაფიდან ან სადარბაზოს რევიზიიდანაც არის. თუ სხვა გზა არ იქნება, ადგილზე გეტყვით.
რამდენ ხანს გაძლებს გაწმენდა?
თუ მიზეზი ნადებია — თვეები, ხშირად წელიწადზე მეტიც. თუ მილი დაზიანებულია ან ფესვი შედის, გაწმენდის შემდეგ ვიტყვით, რა სჭირდება რომ პრობლემა აღარ დაბრუნდეს.
კანალიზაცია გაიჭედა?
დარეკეთ — ტელეფონშივე გავარკვევთ, რა სამუშაოა და როდის ვართ თქვენთან.